උකස් කළ හදවත

Published 2020-06-29 · Updated 2020-06-29

දහදිය කඳුළු උණු කර
සිතුවිලි සයුර සම කළ
පෝරුව උඩදි පැලඳුව
උකස් විය මගෙ හදවත

විසිරිලා වීදුරු කටු
ඇනී ලේ ගැලූ මගෙ හිත
“උඹේ ආදරේ බොරුවක්”
කෝපයෙන් දොඩන පෙම්වත

සංකේතයක් මිස රන් මුදුව
ජීවිතය නොවේ අප ළංකරන
හදවත දුන්නෙ මං උකසට
පොඩි උන්ගෙ බඩගින්නට

ආදරය නම් ලොව සුන්දරය
බොරු කියා රැවටුවේ කවුරුද
දරු පෙම තරම් උණු හැඟුමක්
මිහිපිට වෙන තැනුවෙ කවුරුද

– යනූෂා ලක්මාලි