උතුරේ මව්වරුන්ගෙන් දකුණේ විරෝධයට පණිවිඩයක්

සේයා - අන්තර්ජාලයෙන්

රාජ්‍ය හමුදා මගින් බලහත්කාරයෙන් අතුරුදහන් කළ තම ආදරවන්තයන්ට යුක්තිය ඉටු කරගැනීම වෙනුවෙන් නොනවතින අරගලයක යෙදෙන උතුරු නැගෙනහිර දෙමළ මව්වරු උදාවූ අලුත් අවුරුද්දේත් සිය උද්ඝෝෂණය අත්හැර නොදැමූහ.

සිය අඛණ්ඩ විරෝධතාවේ 1881 දිනය අලුත් අවුරුදු දිනයේදී සනිටුහන් කළ අතුරුදහන් කළවුන්ගේ ඥාතීන් අනතුරුව වව්නියාවේදී මාධ්‍ය වෙත අදහස් දක්වමින් කියා සිටියේ දෙමළ ජනයාට යුක්තිය ඉටු කරගැනීමට නම් මෙම අවස්ථාවේදී ආණ්ඩුව සමග කේවල් කළ යුතු බවයි.

සිංහල තරුණයන්ගේ උද්ඝෝෂණවලට දෙමළ තරුණයන් සහභාගී වුවද ඉන් ඒකීය රාජ්‍ය තවත් තහවුරු වනවා විනා දෙමළ ජනයාට කිසිදු යහපතක් නොවන බවට රජයේ හමුදා විසින් බලහත්කාරයෙන් අතුරුදහන් කළවුන්ගේ ඥාතීන් ප්‍රකාශ කර තිබේ.

සිංහල තරුණයන් කොළඹ කරන උද්ඝෝෂණ වලට දෙමළ තරුණයෝ එකතු වුණා කියලා දෙමළ ජනතාවට නම් කිසිම සෙතක් වෙන්නේ නැහැ. මේකෙන් වෙන්නේ ඒකීය රාජ්‍ය ශක්තිමත් වෙන එක විතරයි,” යැයි වව්නියා දිස්ත්‍රික් අතුරුදහන් කළවුන්ගේ ඥාතීන්ගේ සංගමයේ ලේකම් එම්.රාජ් කුමාර් පවසයි.

"කොළඹදී සිංහල දෙමළ ජනතාව එකමුතුව ඉන්නවා කියා, ලංකාවට විරුද්ධව තියෙන යුද අපරාධ වලින් නිදහස් වෙන්න තමයි මේ හදන්නේ.

අතුරුදහන් කළවුන්ගේ ඥාතින් පෙන්වා දෙන්නේ මුල්‍ය අර්බුදය හා ආහාර හිඟය මගින් වඩාත් උත්සන්න වී ඇති ආර්ථික ගැටලුව හේතුවෙන් ලබා ගත් විදෙස් ණය ගෙවා ගැනීමටද නොහැකි ලෙස ලංකාව බංකොලොත් වී ඇති බවයි.

"ලංකාවේ ඉදිරි කාලය තීරණ කරන්නේ ජාත්‍යන්තර මුල්‍ය අරමුදල, ඇමෙරිකාව, ඉන්දියාව, සහ යුරෝපා සංගමය. ඔවුන්ගේ අතේ තමයි ලංකාවේ අනාගතය රැඳී තියෙන්නේ. දෙමළ පාර්ලිමේන්තු මන්ත්‍රීවරු මේ රටවල් හා සංවිධාන එක්ක දෙමළ ජනතාව සඳහා නිදහස් පරිපාලන ඒකකයක් ගැන කේවල් කළ යුතුයි.

TheLeader

You may also like...

Leave a Reply

Your email address will not be published.

This site uses Akismet to reduce spam. Learn how your comment data is processed.