ආර්ථික අහේනිය මැද දෙමළ ජනයාට කරන වෙනස්කම් ගැන ජාත්‍යන්තරයට

සේයා අන්තර්ජාලයෙන්

ආර්ථිකමය ලෙස රට අසීරු තත්වයකට පත්ව තිබියදීත් දෙමළ ජනතාව විනාශ කිරීමේ ක්‍රියාවලිය රජය අඛණ්ඩව කරගෙන යන බවට චෝදනාවක් ජාත්‍යන්තරය හමුවේ ගොනු කිරීමට සැලසුම් කර තිබේ.

යාපන අර්ධද්වීපයේ මාධ්‍යවේදීන් ඇමතූ දෙමළ ජාතික ජනතා පෙරමුණේ නායක පාර්ලිමේන්තු මන්ත්‍රී ගජේන්ද්‍ර කුමාර් පොන්නම්බලම් කියා සිටියේ දෙමළ ජනයාට එරෙහිව දියත්වන මර්දනය ගැන වාර්තාවක් එළඹෙන ජිනීවා මානව හිමිකම් සැසියට ඉදිරිපත් කරන බවයි.

කුරුන්තුර් මලේ සිංහල බෞද්ධකරණය ගැනත්, දිගින් දිගටම නාවික හමුදාව මගින් දෙමළ ජනතාවගේ ඉඩම් බලහත්කාරයෙන් අල්ලා ගැනීම ඇතුළු දෙමළ ජනයාට එරෙහිව සිදු කෙරෙන සැම දෙයක්ම ජුලි මාසයේ ඇරඹෙන ජිනීවා සමුළුවේ දී අපි ප්‍රකාශයට පත් කරනවා.

කුරුන්තුර් මලේ බුද්ධ ප්‍රතිමාවක් ස්ථාපිත කරන්න පසුගිය 12 වැනිදා ගත් උත්සාහය ව්‍යවර්ථ වුනේ පැවති විරෝධතා නිසා. පසුව ජුනි 15 වැනිදා විරෝධතාකරුවන්ට නාඳුනන පුද්ගලයන් පිස්තෝල එල්ල කරලා ක්‍රියාධාරීන්ට මරණීය තර්ජනය එල්ල කරලා.

වන්නියේ සමාජ ක්‍රියාකාරිකයකු හා හිටපු සටන්කාමියකු වූ වේලුපිල්ලෙයි මාධවමාජර්ට ඉකුත් 15 වැනිදා අළුයම පුදුකුඩුඉරිප්පු දෙවැනි හරස් විදියේ පිහිටි ඔහු සහ ඔහුගේ මව වෙසෙන නිවසට පැමිණි නාදුනන පුද්ගලයන් දෙදෙනෙක් පිස්තෝලයක් හිසට එල්ල කොට මරණීය තර්ජන කර තිබේ.

පාන්දර 1.30 ට විතර අපේ ගේ ඉස්සරහට ආපු දෙන්නෙක් මගේ ඔලුවට පිස්ටල් එකක් තියලා කිව්වා උඹ අපේ බෞද්ධ සංස්කෘතිය නැති කරන්න වෑයම් කරනවා. එදා උද්ඝෝෂණය සංවිධානය කළෙත් උඹ තමයි. මින් ඉස්සරහට මේ වගේ දේවල් වලට මැදිහත් වුනොත් වෙඩි තියලා මරලා දානවා,“යැයි තමන්ට තර්ජනය කළ බවට මාධවමාජර් විසින් පුදුකුඩිඉරිප්පු පොලිසියට පැමිණිලි කර ඇත්තේ දින කිහිපයක් ප්‍රදේශයෙන් බැහැරව සැඟවී සිටීමෙන් අනතුරුවයි.

දෙමළ ජාතික ජනතා පෙරමුණු නායකයා පවසන්නේ මරණීය තර්ජන එල්ල කළ නාදුනන පුද්ගලයන් දෙදෙනා පසුව අසල පිහිටි ර‍ජයේ හමුදා කඳවුරකට ගොස් ඇති බවයි.

මේ ගැන මානව හිමිකම් කොමිසමේ වවුනියා කාර්යාලයට ද පැමිණිලි කර තිබේ.

මහජන ආරක්‍ෂාව භාරව හිටපු ඇමැති සරත් වීරසේකර අපේ පක්‍ෂයේ මහලේකම් සෙල්වරාසා ගජේන්ද්‍රන්ගේ නම කියලා දෙමළ ජනතාවගේ අනන්‍යතාව ආරක්‍ෂා කිරීමට උත්සාහ කරන පාර්ලිමේන්තුවේ සිටින අනෙකුත් දෙමළ කොටස්‌වලටත්, පොදුවේ දෙමළ ජනතාවටත් තර්ජනය කළා.

එහෙත් ඊට එරෙහිව කිසිදු ක්‍රියාමාර්ගයක් මෙතෙක් ගෙන නොමැති බව ද ගජේන්ද්‍ර කුමාර් පොන්නම්බලම් පෙන්වා දෙයි.

TheLeader

You may also like...

Leave a Reply

Your email address will not be published.

This site uses Akismet to reduce spam. Learn how your comment data is processed.