දෙමළ දේශපාලන සිරකරුවන් මුදාහැරීම ‘ව්‍යාජ රංගනයක්ද’?

prison prison cell jail crime 553836
සේයා අන්තර්ජාලයෙන්

ත්‍රස්ත පනත යටතේ අත්අඩංගුවට ගෙන සිරගත කර සිටින දේශපාලන සිරකරුවන් නිදහස් කිරීම ආණ්ඩුවේ තවත් ව්‍යාජ රංගනයක් දැයි ප්‍රකට දෙමළ නීතිවේදියකු ප්‍රශ්න කර තිබේ.

දෙමළ ජනතා ජාතික සන්ධානයේ නායක, පාර්ලිමේන්තු මන්ත්‍රී සී.වී.විග්නේශ්වරන් පවසා තිබුනේ සුළු වැරදිවලට සිරගතව සිටින දෙමළ දේශපාලන සිරකරුවන් 46 දෙනකුට නිදහස ලබා දීමට ආණ්ඩුව පළමු පියවර තබා ඇති බවයි.

ත්‍රස්තපනත යටතේ සිරගතව සිටින දෙමළ දේශපාලන සිරකරුවන් ගැන හිටපු විනිසුරු අශෝක ද සිල්වා සකස් කළ වාර්තාවක් ලැබුණු පසු ඔවුන් මුදා හරින බවට ජනාධිපති රනිල් වික්‍රමසිංහට අනුග්‍රහයක් දක්වන විග්නේශ්වරන් මන්ත්‍රීවරයා පවසා තිබේ.

දෙමළ දේශපාලන සිරකරුවන් නිදහස් කරන බවට වත්මන් ආණ්ඩුව කරන ප්‍රකාශ සම්බන්ධයෙන් ජනාධිපති නීතිඥ කේ.වී.තවරාසා පවසන්නේ යහපාලන ආණ්ඩුව පැවති කාලයේදී ත් මෙවැනි අයුරින් රඟ දැක්වීමක් වූ බවයි.

සමාජ මාධ්‍යවල අදහස් හුවමාරු කරගත් නිසා 2017 සිට 2019 අවුරුදු වල දී PTA යටතේ අත් අඩංගුවට ගත්තු අයත් එක්ක අවුරුදු 12 සිට 27 දක්වා සිරකරගෙන සිටින දේශපාලන සිරකරුවන් 46 දෙනාගේ නිදහස තවත් පමා කිරීම නොකළ යුතුයි,” යැයි ජනාධිපති නීතිඥ තවරාසා ආණ්ඩුවට අවධාරණය කරයි.

යහපාලන ආණ්ඩුව දෙමළ දේශපාලන සිරකරුවන් 217 ක් නිදහස් කරන බවට දෙමළ ජාතික සන්ධානයට පොරොන්දු වුණා. සැකපිට අත්අඩංගුවට ගෙන තිබුණු නඩු පවරන්න තරම් සාක්ෂි නොමැති 61 දෙනෙක් ඇප මත මුදා හැරියා. තවත් 23 දෙනෙක් පුනරුත්තාපනයට යවලා නිදහස් කරා කියලා රිපෝර්ට් එකක් හැදුවා.

ජනාධිපති නීතිඥ තවරාසා මාධ්‍ය වෙත පෙන්වා දෙන්නේ නීතිපතිවරයා විසින් උසාවියට ගොනු කළ අසත්‍ය වාර්තා මගින් ත්‍රස්ත පනත යටතේ දඩුවම් පනවා ඇති සහ මහාධිකරණයේ නඩු පවරා විමර්ෂණය කෙරෙන දෙමළ දේශපාලන සිරකරුවන් කිසිවෙක් මේ දක්වා නිදහස් කර නොමැති බවයි.

යහපාලන ආණ්ඩු සමයේදීත් දෙමළ දේශපාලන සිරකරුවන් නිදහස් කරන බවට පොරොන්දු ලබා දෙන විට අධිකරණ ඇමතිවරයා වුයේත් විජේදාස රාජපක්ෂ බවද නීතිඥ තවරාසා පෙන්වා දෙයි.

You may also like...

Leave a Reply

Your email address will not be published.

This site uses Akismet to reduce spam. Learn how your comment data is processed.