ත්‍රස්ත නීති යොදාගෙන විරුද්ධවාදීන් මර්දනයට CMU විරෝධය

සේයා අන්තර්ජාලයෙන්

කම්කරු හා ශිෂ්‍ය බලවේග මර්දනය සදහා ආණ්ඩුව විසින් ත්‍රස්ත නීති යොදා ගැනීමට විරෝධය දක්වමින් දිවයිනේ පැරණිතම වෘත්තිය සංගමයක් උද්ඝෝෂණයක් දියත් කර තිබේ.

කොළඹ, කොල්ලුපිටිය ගාලු පාරේ පිහිටි ලංකා වෙළඳ,කාර්මික හා පොදු සේවක සංගම් මුලස්ථානය ඉදිරිපිට ට රැස්වු කම්කරුවන් ත්‍රස්තවාදය වැළක්වීමේ පනත සහ හදිසි නීති රෙගුලාසි යොදා ගනිමින් ආණ්ඩුව කම්කරු හා ශිෂ්‍ය බලවේග මර්දනය කිරීමට විරෝධය පළ කළ බව අගනුවර වාර්තාකරුවෝ පවසති.

ලංකා වෙළඳ කාර්මික හා පොදු සේවක සංගමයට (CMU) අයත් ශාඛා සමිති නියෝජනය කරමින් එක්ව සිටි කම්කරුවෝ අත්‍යවශ්‍ය ආහාර වර්ග ඇතුළු සියලු භාණ්ඩ හා සේවාවල මිල ඉහල දමමින් ජනතාවට සහන සැලසීමට අසමත් ජනාධිපති රනිල් වික්‍රමසිංහ ප්‍රමුඛ ආණ්ඩුවට එහිදී සිය විරෝධය පල කර තිබේ.

අගෝස්තු 25 වැනිදා දියත් කළ උද්ඝෝෂණයට එක්වෙමින් ලංකා වෙළඳ කාර්මික හා පොදු සේවක සංගමයේ නියෝජ්‍ය ලේකම් සෙල්ලයියා පලනිනාදන් කියා සිටියේ දේශපාලන මර්දනය හා ආර්ථික අර්බුදය හමුවේ වැඩ කරන ජනතාව ඉතාමත් අසරණ තත්වයකට පත්ව ඇති බවයි.

ආහාර ද්‍රව්‍ය මිල, විදුලිය හා ජල බිල, ගමන් ගාස්තු ආදිය ඉහල දැම්මද වැඩ කරන ජනතාවගේ පඩි පත වැඩි නොවීම හේතුවෙන් ඔවුන් දැන් එක් වේලකින් දවස ගෙවා දැමීමට හුරුවී ඇති බවද සෙල්ලයියා පලනිනාදන් වෘත්තිය සමිති නායකයා එහිදී අවධාරණය කළේය.

You may also like...

Leave a Reply

Your email address will not be published.

This site uses Akismet to reduce spam. Learn how your comment data is processed.