වව්නියාවේ එකතැන මරාදැමූ 29ක් සිහිපත් කෙරේ!
තිස් අට වසරකට පෙරාතුව වවුනියාවේ ගමක් වටලා රජයේ හමුදා මගින් බලහත්කාරයෙන් රැගෙන ගොස් මරා දැමූ 29 දෙනා සිහිපත් කර තිබේ.
වවුනියාව සේමමඩු ගම්මානය 1984 වසරේ දෙසැම්බර් 02 වැනිදා වැටලු රජයේ හමුදා බල ඇණි එහි සිටී වැඩිහිටියන් හා පිරිමි දරුවන් 29 දෙනෙකු රැගෙන ගොස් මරා දැමිණි.
දිගින් දිගටම හමුදාවන්ගේ මෙහෙයුම් වලට ඉල්ලක්ක වූ සේමමඩු වාසින්ගෙන් බොහෝ දෙනා අනාථයන් ලෙස ඉන්දියාවටත් ඉන් පසු යුරෝපීය රටවලට හා ඇමරිකාවට පළා ගියේ දිවි රැක ගැනීමටයි.
එසේ පළා ගිය යුද පීඩිතයන්ගේ මුල්‍ය සම්මාදමෙන් සේමමඩු ශම්මුහානන්ද විද්‍යාලයේ ළමා උද්‍යානයක් වෙනුවෙන් ඉකුත් දා මුල් ගල් තබනු ලැබුවේ හමුදාව විසින් මරා දැමුණු 29 දෙනා වෙනුවෙනි.
මරා දැමුවන් සිහිපත් කරමින් ඔවුන්ගේ ඥාතින් හා ගම් වැසියන් එක්ව සේමමඩු ආදී විනයාගර් කෝවිලේ ආගමික වතාවත් පවත්වමින්, විවිධ වර්ගයන්ට අයත් පැළ 1000 ක් රෝපණය කෙරිණි.
සැමරුම් උත්සවය වෙනුවෙන් හිටපු පාර්ලිමේන්තු මන්ත්‍රී සිවශක්ති ආනන්දන් සහ වවුනියා නාගරික මන්ත්‍රී චන්ද්‍රා කුලසිංහම් එක් වුහ.
මේ අතර 1984 දෙසැම්බර් 02 වැනිදාම රාත්‍රියේ වවුනියාව – මන්නාරම දිසා මායිමේ පිහිටි චෙට්ටිකුලම් ගම්මානයට කඩා වැදුණු රජයේ හමුදා බාල, තරුණ, මහලු 52 අත්අඩංගුවට ගෙන වෙඩි තබා මරා දමා තිබිණි.
